Celebrity

拒讓家傭湊B堅持親力親為!Coffee照顧3個月大囝囝休息不足,生風癱苦不堪言~

11/02/2019

做媽媽當然想比最好嘅小朋友,而Coffee林芊妤都唔例外,就算有工人都想自己落手落腳照顧小朋友~不過湊BB並唔係一般辛苦,身為健身教練嘅Coffee一向身體強壯,但都頂唔住病倒。

上年10月誕下囝囝嘅Coffee,懷孕期間依然堅持運動,所以產後身材同身體狀況都有keep住~Coffee雖然有工人都堅持自己親力親為照顧囝囝,不過湊BB並唔係一般辛苦,身為瑜伽教練嘅佢,都因為照顧3個月大嘅囝囝太辛苦,結果自身抵抗力變差,免疫系統失調,全身出現風癩。

Coffee昨日(10日)就喺社交網站facebook上圖文,指自己為咗照顧囝囝搞到全身出風癩,令佢苦不堪言:「之前老公叫我,嘗試放手讓姐姐(家傭)去照顧bb,BB仲細,我都係想盡量自己湊,同埋我先係佢媽媽!

Coffee Lam(林芊妤)@Facebook

佢話個囝瞓覺嘅時候,佢有三分之一時間都係做自己嘅事,2個月無點瞓覺,導致抵抗力差,免疫系統失調:「每晚都風癩發作全身痕到不行,一痕就痕幾小時。昨天BB打完針整晚發燒,我全晚沒睡在身邊量體溫,現在連早上也出風癩。

媽媽真係好偉大,照顧小朋友出心又出力,就算搞到自己病埋都要頂硬上,希望Coffee早日康復啦!

Text:GirlsLike Editorial

Photo Source:Instagram,Facebook