Celebrity

湯洛雯大曬全家照!一家基因強大,個個明星相~網民:全部都係靚湯

11/02/2019

數到大台靚女藝人當然唔少得 靚湯湯洛雯啦~之前靚湯妹妹湯樂瑤真面目曝光後,網民們都大獲湯家基因強大,兩姊妹都咁迷人!話明基因強大,又點止得兩姊妹靚呢~最近靚湯就曬出全家幅,原來佢地一家都靚仔靚女,個個都係明星相,真係羨慕死人呀!

今個春節,靚湯就曬出佢同妹妹湯樂瑤、叔叔湯鎮業同埋堂妹湯愛嘉、堂孖弟湯君慈、湯君瑤等人嘅合照,並留言:「Tong’s❤ #cousinslove」,照片一出街之後網民都不禁讚歎湯家「優良基因」、「全部好好顏值」、「個個都靚仔靚女」、「全部都係靚湯」、「嘩!又會全家都靚仔靚女到咁犀利嘅!」

湯洛雯爸爸係演員湯鎮宗,而叔叔湯鎮業更係當年同梁朝偉、劉德華、黃日華同埋苗僑偉組成嘅無綫五虎入面被讚最靚仔嘅一個,只不過佢近年主力內地發展,年輕嘅觀眾可能未必會識得湯鎮業,不過最近見到佢演出無綫劇《荷里活有個大老千》,劇中飾演又奸又有霸氣嘅華探長文雄,大家都不得不大佢讚演技精湛~

睇完靚湯一家之後,真係不得不感慨基因真係好「可怕」呀!

Text:GirlsLike Editorial

Photo Source:Instagram