Celebrity Self

一語中的!陳法蓉:「揀錯郎比孤單更加孤單!」52歲不乏追求者,仍選擇單身生活~

08/02/2019

要提美貌10年如一日嘅女星,就一定要講52歲嘅陳法蓉。佢參加港姐入行,後來同黎明合作拍攝劇集《人在邊緣》,而喺《刑偵III》入面嘅演出亦令劇迷留下深刻嘅印象。 雖然外貌無可挑剔,但現實中佢嘅感情生活卻並不如意。

陳法蓉@Weibo

陳法蓉曾經同富豪許晉亨傳出緋聞,但一直都未承認戀情。2003年拍攝《水月洞天》嘅時候,又同劇中拍檔楊俊毅發展戀情,可惜戀情最後都係無疾而終。

陳法蓉@Weibo

直到現在陳法蓉仍然單身,但單身嘅生活依然多姿多彩,平時佢鐘意同朋友去旅行,仲試過喺完全無行程計劃嘅情況下,只係跟住Google Map去玩,用3個幾星期,走遍法國、捷克、匈牙利、克羅埃西亞、希臘以及義大利等多個城市,可見佢係一個好隨性嘅人~

陳法蓉@Weibo

早排出席活動,佢透露自己近年唔想太忙,想參與多啲慈善工作同埋陪伴家人:「爸爸已82歲,很健康,經常去旅行,有時與他行山也跟不上,見到他那麼壯健也很開心」。

陳法蓉@Weibo

至於感情生活,陳法蓉就話唔急,身邊亦不乏追求者,只係自己選擇單身:「要小心選擇,揀錯郎比孤單更加孤單!」問到爸爸有無催婚,佢就話:「沒有,他已經好開心;其實單身或多少個人一起生活也可以很開心,像今年聖誕節有班好友與我一起歡度,節目豐富,完全不感孤單」。

陳法蓉@Weibo

陳法蓉亦有透露,曾經試過有朋友瞞住佢帶咗一個男仔嚟食飯相睇,令到佢好尷尬,朋友就知道佢唔鐘意咁同埋一定會拒絕,之後就無再介紹,佢話感情隨緣,有緣一定會見到~各位姊妹,就算未搵到適合嘅對象都唔需要擔心,學陳法蓉咁講,緣份係注定嘅,而且唔可以急,要小心選擇,否則揀錯郎會比孤單更孤單呀!

陳法蓉@Weibo

Text:GirlsLike Editorial

Photo Source:Weibo