Celebrity

淨係買手袋都用咗40萬!梅根全年置裝費估計花逾400萬,足足是凱特王妃的6倍!

11/01/2019

上年嫁比英國哈利王子嘅梅根,除咗成為為薩塞克斯公爵夫人之餘,仲榮升做「皇室帶貨王」!有留意開皇室消息嘅大家,應該都會知道佢每次出席公開場合都打扮得非常時尚優雅,用過嘅單品都會變成搶手熱貨~外國媒體就盤點出2018年歐洲皇室女性成員一年嘅置裝費,仲按消費金額由高至低排出14人名單,當中梅根係No.1!

調查樣本包括佢地穿著嘅1661件單品,所有單品都係第一次公開亮相,重複著過嘅服飾唔會納入計算,而高居榜首嘅就係梅根啦!佢上年嘅置裝費就已經有大約406662.55英鎊,即係大約400幾萬港幣〜

而排名第二嘅就係丹麥王儲妃瑪麗,佢嘅置裝費大約係88999.57英鎊,約值88萬港幣。第三位係英國女王三子愛德華王子嘅妻子蘇菲,置裝費大約為73570.41英鎊,約有73萬港幣。第四位就係劍橋公爵夫人凱特,置裝費約為68334.23英鎊,大約68萬港幣,即係話梅根嘅花費係佢阿嫂凱特嘅6倍!

梅根呢次被統計在內嘅服裝總共有254件,另外有69件未知具體價格。所以實際開銷其實高於40萬英鎊,而佢最昂貴嘅一件Givenchy婚紗,約值20萬英鎊,並未列入計算〜真係令人好好奇佢天價嘅開銷到底都花喺咩地方呢?

據知,梅根只係手袋就已經花上4萬英鎊!當中最貴嘅一個就係價值3,850英鎊嘅Fendi Peekaboo手袋〜仲有大量Gucci、Prada、 Chloé等品牌嘅手袋!不過梅根其實都有用價錢親民嘅手袋,而最平嘅就係 J.Crew 嘅籐織 clutch bag,售價70英鎊,大約700港幣。

至於佢所著嘅衣服,當然都唔會平,例如呢件Oscar de la Renta蓬蓬裙禮服,就需要4600英鎊,即係大約4.6萬港幣!

令人好奇嘅位就係梅根嘅花費點解係凱特嘅6倍?評論有指因為上年凱特誕下路易王子,因為要休息養胎減少公眾活動,自然置裝費都會省下〜而且凱特不時被發現重復穿著單品,仲會著Zara等價格親民牌子,係出名嘅節儉王妃!

英國王室成員唔接受時尚品牌贊助,呢啲昂貴嘅服裝和同手袋,到底係由王室定係老公哈利王子付費就無人知啦!不過梅根咁奢侈,難怪會引起一啲英國民眾嘅不滿啦〜

完整榜單:

Text:GirlsLike Editorial

Photo Source:Pinterest,instagram,UFO No More